眼見「抗爭」有利可圖，主打年輕人反叛的「潮牌」「Vetements」亦求分一杯羹，推出所謂潑墨風格服飾，在一堆服飾以黑色或白色為底色潑上藍色，仲話靈感聲稱來自修例風波中「俾水砲車驅散嘅示威者」喎。原來咁都可以用嚟生財，真係令人大開眼界。

　fb專頁「佬訊」就出post自嘲唔識打「國際線」，但就批評佢哋食緊人血饅頭，話諗起有人仲坐緊監，但有班人喺背後數緊錢就想作嘔。連登亦有網民不滿呢種做法，批評佢哋好無道德、消費「前線」，但仍有好多「黃絲」話想買，咁就喺網上又掀起罵戰嘞。