火鍋放題總有限時規定，同時要求食客不能擅自將食材及飲品帶離餐廳。網上多個群組流傳一段短片，據荃灣的火鍋店職員隨身攝錄機所拍攝影片，片中見到一位職員要求一對顧客將環保袋的食物全部交還。初時男子在袋中取出一袋裝滿海鮮的膠袋，在職員多番勸喻下終將身旁的環保袋交出，全袋都是肥牛等食物，令在場人士譁然。有大律師對媒體表示，涉事男女把食材裝走，或構成盜竊罪。

　網上片段長約2分鐘。影片中，一名火鍋店男職員手走近二人枱，向一對男女顧客表示：「CCTV打電話落嚟，見到係咪唔覺意攞咗啲嘢食落個袋？」初時該對男女不承認，直到職員對質：「麻煩攞返出嚟，因為睇住我做緊嘢，攞返出嚟就簡單啲，因為食物方面、衞生方面要求，食得，全部可以係度食」。

　該男子之後施施然從身旁一個黑色環保袋中，取出一個袋滿海鮮的膠袋，之後職員要求男子再取出袋內的肥牛，但男子立即表示該些肥牛不屬於火鍋店。職員未有理會，堅持要求男子交出袋內所有擅自取走的食材，「嗰啲牛肉應該係我公司，唔好意思，攞埋出嚟，仲有啲蝦，不如成盒攞出嚟好嗎？始終都要保障返顧客，食幾多唔緊要，我哋有大把時間，但就唔可以攞走，因為張貼晒出嚟，麻煩晒。」

　男子表現慌張，從袋內取出一大堆肥牛後，最終將整個環保袋交予職員，職員感到愕然，更說：「成袋呀？」

　職員隨後將食材全部取走，之後將所有食材放在枱面檢查，包括生蠔、蟹、魚片、蝦、肥牛及公仔麵等，並上報其他職員。

　影片在網絡廣傳，很多網民都斥責該對男女貪心、肉酸。亦有網民質疑有關人士是否「慣犯」。

　大律師陸偉雄對媒體表示，任食放題有所規限，一般即場限時任食，倘把食材偷偷帶走，可能觸犯盜竊罪，最高刑罰可判監十年。他又說，二人還未將食材帶出食店，即使不構成盜竊罪，也可構成意圖盜竊罪。

　影片說明：有關短片在網絡廣傳。影片來源：車cam L群組