前日(11日)有人喺連登爆料，疑似許智瘋(峯)議員助理話開咗個「抄人」標誌嘅護膚品牌，叫GLOIRE，是「榮光」英文「Glory」的Old French，連許智瘋都喺IG推介，仲強調「只聘請『手足』」，話就話請咗10幾個「手足」。當爆料人想問清楚，關於產品成分來源、產地同返工地方嘅時候，店主一直迴避問題，最後喺避無可避嘅情況下，打咗一大篇態度惡劣嘅回覆。事主貼出應徵「手足」同「GLOIRE」嘅對話截圖，店方更確實有「你喺覺得手足失業大晒定點?」嘅說話。據悉，呢個店主疑似喺許智瘋議員助理，雖然佢喺IG話自己「白鴿PT議助」，但「GLOIRE」嘅自取點亦係許智瘋辦事處。

　　爆料人表示，既然「GLOIRE」話「由研發到製作過程都係搵唔同『手足』做」，之後改口話用咗「幾年」自己嘅產品，而當時唔知「手足」喺邊，此言論都引起「黃絲」懷疑。事件發酵到有「手足」向許智瘋查詢，但店方話唔會如「手足」意思再喺連登解釋。雙方你一言我一語後，最後「手足」就話「唔好再利用人哋嘅善心去食人血饅頭啦!」其實經過咁多爾虞我詐後，希望啲「手足」唔好再咁天真，以為有人會為佢哋嘅未來「買單」。