廉署喺2023年繼續向世界積極說好香港故事！疫情之後，首次有外國的反貪機構來香港交流。
來自蒙古反貪局嘅15位代表，今日（9日）嚟到廉署參加為期四日嘅「防貪及倡廉教育」面授培訓課程。廉政專員胡英明今朝就同埋各部門首長一齊出席課程嘅「開學禮」，支持一眾學員。廉署國際合作及機構事務處處長關儀蘭喺致辭時鼓勵學員把握今次機會，同經驗豐富嘅廉署人員多加交流，將喺課程學到嘅知識同技能日後應用喺工作上面。
唔講大家未必知，蒙古反貪局同香港廉署一直都有好緊密嘅聯繫，反貪局嘅成立，亦參考咗香港廉署權力、三管齊下反貪策略，仲有各部門工作嘅良好做法;而呢個培訓課程嘅內容係按蒙古反貪局喺培訓方面嘅需要度身訂造，所以涵蓋範圍廣泛。期間學員亦會參觀廉署大樓同分區辦事處設施，了解廉署喺各方面嘅最新發展。
隨住世界各地逐步復常，廉署會為海外反貪機構舉辦更多培訓課程，將廉署喺執法、預防同教育方面嘅反貪經驗宣揚到世界各地。
電話：（香港）852-2564 0768
（深圳）86-755-83518792 83517835 83518291
地址：香港九龍觀塘道332號香港商報大廈
