已故樂壇天后梅艷芳的母親覃美金（梅媽）去年四月結束破產令，但因爭奪梅艷芳遺產欠下巨額訟費，再遭兩名破產信託人呈請破產。直至今年1月，她共欠訟費連利息共13.4萬多港元。案件今在高院處理，梅媽已繳還欠款，法官正式宣布撤銷本破產案件。

　　梅媽庭外批評案件「夠哂毒」。

　　破產呈請人指，已經收到款項故申請撤銷破產案件，但要求申請訟費，惟未與梅媽商討細節。法官指，梅媽亦在同意傳票上簽名及打印，正式宣布撤銷破產案。另外破產管理署就第一次提訊的費用申請4100元訟費。法官指訟費數目不少，今天暫不處理，留待呈請人向有關評案官評核訟費數目。

　　獲撤銷破產申請後，梅媽庭外批評案件「夠哂毒」，在庭外拿著握著紙巾，激動地指「而家佢（呈請人）仲係揸住啲錢」，突然又將矛頭轉向梅艷芳形象設計師好友劉培基，「俾咗幾多數錢劉培基！為乜嘢呀？」梅媽慨嘆：「拉阿梅上嚟同你講囉，有無紙呀？紙都無一張，乜嘢都淨係講阿梅話阿梅話，乜嘢都阿梅話，你咪同阿梅講清楚先上嚟囉！呢個夠曬毒呀...乜嘢都講阿梅話，乜嘢都話阿梅話。唉！我都打咗十幾年！」她更臉露不甘地反擊：「唔係我想搞，係你哋想搞我！」

　　梅媽指澄清外界說她每月有20萬生活費，其實只有9萬，「匯豐（遺產管理人）死都要個個月畀我生活費，剩下的就投資，幾億都洗曬啦！佢好叻嫁，屋租同工人費全部都隊埋畀我，我交完仲有幾多呢？出面的人話我20萬都唔夠洗，根本就無20萬，我得唔夠10萬咋，得9萬幾」，她指9萬都唔夠洗，「工人費啦，仲要交租，又要食啦」。梅媽又指「佢官字兩個口，我得一個口，佢捏住我喉嚨」。