【香港商報網訊】何君堯雙親墳墓昨被毀壞，他昨晚上載片段，指是立法會議員朱凱廸的支持者砸爛墓地，勸籲朱「我義正嚴詞話你聽，前面條路一條係生路，另一條係不生路，你要選擇係邊一條路？你早啲決定。」

　　何君堯在Facebook上載約18分鐘片段，對被指與白衣人襲擊市民有關，他再次解釋，「執住呢啲抹黑何君堯係黑社會……呢種莫須有、毫無根據、只係靠估，就話以言入罪、或者握手入罪，我哋香港已進入乜嘢景況？呢啲係咩人、咩議員質素？後面代表係乜嘢選民？」

　　之後他指控朱凱廸間接有份破壞其父母墳地，「今日你將我父母墓碑打爛，係你嘅支持者，而你係包庇者。你會唔會上嚟我老豆老母度，鞠返個躬？如果你上嚟，仲要率領你嗰20幾條泛民……呢種破壞先人安息地方，你會唔會譴責咁嘅暴徒？你會唔會同呢啲暴徒割席？交出你嘅追隨者出嚟？網上已有佢嘅相出咗嚟！」

　　何君堯最後表示：「我何君堯今日仍然好憤怒，比起離開港台時憤怒一萬倍都唔止。」他向朱指出：「前面條路一條係生路，另一條係不生路，你要選擇係邊一條路？你早啲決定，早唞。」