【香港商报网讯】「苹果日报昨日有文指黎智英与李嘉诚先生言和，实在令人大惑不解。」今日有熟悉长实中人向本报表示，「李嘉诚先生过去的20多年间，不但没有见过黎智英，更从来没有打算与对方见面。」

         附《苹果日报》原文节选

　　【创业起义】当肥佬黎同诚哥言和

　　苹果日报 2020-05-13

　　创科局推出D-Biz遥距营商计划，由政府全数资助，5月中开始接受申请，每间公司上限30万，好似真系有料到，大部份Startup朋友都好似有申请。以前所谓「数码转型」只系口号，畀一啲规模最大嘅科技公司，开宗明义咁去搵上市公司嘅钱。但依家，D-Biz呢个关键词，就连Google Ads都大把人争住去抢，只系区区30万，你会问发生咗咩事。

　　当你发现，唔止系接job搵真银嗰批，就连一间公司上一轮融资以千万美元计嘅朋友，亦都同我讲，谂住趁机会做啲嘢，再加上好多已经所谓「独角兽」级数初创，都要裁员或者冻薪，你就会明白，成个营商环境真系好困难，每个创办人都好头痕。大家都争同一口饭食，D-Biz系红海无错，但你唔可以否认，创科局使呢5亿，又某程度上，令成个业界生猛咗，相比起其他大白象工程，作为纳税人，我真心觉得呢5亿，又系抵畀嘅。

　　创办人梗系为钱烦恼，边个唔想做Bill Gates或者诚哥？好好咁去贡献社会？问题系，但凡未到佢哋嗰个级数，都系要获利优先啰。

　　有时我会谂，生果依家成日赞李嘉诚，但想当年，自己喺生果打工时，逢李嘉诚必插基本上系集体共识。问题系，究竟需要一个点样嘅乱世，去到一个地步，就连诚哥都可以同黎智英握手言和？

　　尹思哲