民政及青年事務局今日(21)在社交媒體發文上載影片《南區關愛隊關懷老友記》，展示關愛隊點樣關懷長者日常生活。

　帖文介紹，自南區關愛隊成立以嚟，已經探訪超過1200戶長者，亦會定期為有需要嘅居民提供簡單家居維修或清潔服務，不論係獨居長者、雙老戶，住喺公屋定私樓嘅公公婆婆，都係佢哋服務嘅對象。「老吾老以及人之老」，關愛隊各小隊會繼續跨區合作。