第74屆安田紀念賽周日（2日）在東京競馬場舉行，香港兩匹代表馬「浪漫勇士」「遨遊氣泡」，今早（1日）同作最後備戰，為周日賽事作好準備。

    周五在泥地跑道睇「遨遊氣泡」踱步的姚本輝，今早就是變招出擊，特別跨越泥地、草地跑道，上到去記者影相區用望遠鏡睇馬，馬主程俊華亦有到場睇操，輝哥可以講全程睇實「遨遊氣泡」，馬兒踱步過後，輝哥狀甚滿意，在未有接受訪問下，迅即返去泥地跑道接馬。

    「浪漫勇士」一如日前，同由廄侶「浪漫風采」引領，在泥地跑道踱步，當「浪漫勇士」踱到沈集成面前，成哥隨即聚精會神睇實，及後更步出泥地跑道親自接馬，順利完成賽前最後一課操練。（文/圖/片：志誠）

    姚本輝、「遨遊氣泡」

    「浪漫勇士」、沈集成