香港呢排成日都落大雨，如果喺戶外位置用電話隨時唔小心會入水。民政及青年事務局局長麥美娟今日(2日)就喺社交網站請教急救良方，話噚晚落大雨嗰時曾經用電話，結果搞到佢部華為P30 Pro手提電話鏡頭入水，關注係咪真係可以用風筒吹返乾部電話。

　麥美娟又説，有人建議將部電話放入米缸吸乾啲水氣，只係佢屋企冇米缸，做唔到喎!帖文一出即刻大把網民留言獻計，例如放入一個裝有乾燥劑嘅密封膠袋、用抽濕機試下等等，亦有幾個留言建議佢換機或直接拎去整，「局長，係場雨提提妳買過部新機嘞。」