周三（1日），沙田馬場上演「好運1月1」賽馬日，第十場三班1200米賽事中，天王郭富城（城城、Aaron）愛駒「舞林密碼」輕鬆取勝。城城受訪後，特別行到公眾席同現場馬迷互動，城城向大家說：「多謝支持！多謝大家支持，個個都好運！」仲豎起大拇指向大家讚好。馬迷就對住城城大叫：「你好靚仔呀！I Love You！」場面歡愉。

　之後，城城嘅大女郭詠希（Chantelle）同細女郭詠萱（Charlotte）一齊要爸爸抱，擁有一對麒麟臂嘅城城二話不說，隨即用雙臂抱起兩個女上樓梯，惹起現場人士一陣呼叫。（文、圖、片︰志誠）