港鐵站出現「借錢黨」！一名網民在本月1日在社交媒體帖文，指在美孚地鐵站遭一名中年男子上前借錢，女事主因當時心緒不寧，沒有細想就借給對方370元，事後覺得被騙報警，帖文中稱：「當買個教訓，希望大家唔好好似我咁傻俾佢呃了。」警方經調查後昨日（26日）拘捕一名男子，相信與案有關。

疑似是女事主的網友在社交媒體以：「警世！！喺地鐵站呃錢」為題帖文：「嗰陣時喺美孚地鐵站，跟住因為唔開心一路喊，一路打電話俾朋友，跟住呢條友無端端行過嚟同我講可唔可以借錢俾佢，佢話佢喺天水圍過嚟，然後發現條鎖匙留咗喺東涌，要即刻返去拎返，但係佢冇錢手機又冇電，一開始見佢好急需要$，跟住佢話係咁俾人問候老母好慘，嗰刻我喊到腦袋一片空白，見佢都咁慘大家同病相憐，就借咗$370比佢…之後俾咗電話號碼我，叫我10:35打返俾佢，結果發現係假電話號碼…全日既PT錢就咁俾佢呃左，小朋友既錢都呃有冇人性，$370當買個教訓，希望大家唔好好似我咁傻俾佢呃了。」

警方表示，近日接報指美孚港鐵站內有人聲稱需要金錢應急，向報案人借取金錢，並稱日後會歸還，但報案人其後與該名人士失去聯絡懷疑受騙，於是報警求助。西九龍總區特遣隊人員昨日（26日）在油尖區拘捕一名姓李（48歲）男子，涉嫌「以欺騙手段取得財產」，現正被扣留調查，案件交由深水埗警區刑事調查隊第6隊跟進。

 警方呼籲，市民如在街上遇上不知明人以不同藉口索取金錢，請提高警覺。如懷疑遇上詐騙活動切勿參與。如有懷疑可以致電警方防騙易熱線18222查詢。警方重申，任何人如觸犯香港法例第210章《盜竊罪條例》第17條「以欺騙手段取得財產」罪，最高刑罰為監禁10年，市民切勿以身試法。（記者 區天海）

                                 帖文中一名男子趨前借錢。