上周末興科蓉醫藥控股(6833)發盈警，公司公布到2016年12月31日止財政年度，期內未經審核管理帳目的初步評估，與2015年同期相比，預期將錄得溢利大幅下跌約人民幣5000萬元。興科蓉醫藥主要業務是銷售進口人血白蛋白注射液，此藥在內地需求量極大，長期供不應求，生意係唔憂做，但係就好被動，要睇供貨商臉色。去年人民幣累計貶值近12%，供應商要求美元結帳，又減少供貨，兩大負面因素同時出現影響當然大。不過內地醫藥股因有行業優勢，多能應對短期變化，就以興科蓉今次盈警為例子，表面同比少賺5000萬元，但識計就知道其實整體仍然是賺錢，不過只是今期少賺咗;不是蝕本，所以咪搞錯，以為興科蓉生意失敗，急急走去沽貨，送平貨畀人。此股近期在0.54至0.57元區間有明顯承接力，值得留意。

 

　　興科蓉仍然賺緊錢

 

　　管理層為了業務多元化發展，改善盈利來源，去年底收購了青島瑞馳藥業100%股權。瑞馳藥業主要從事中成藥、化學原料藥、化學藥製劑和抗生素分銷，成功打開了一個新盈利源泉，相信到明年中期業績上就能得到反映。另外人血白蛋白注射液供應減少並非長期性，供應是隨時有機會回復正常，實在不用過分睇淡，加上有新業務進入，因此明年業績是可以有憧憬的，若股價因此而下跌，正是吸納機會。

 

　　純傳聞