西證國際證券(812)截至2016年6月30日止六個月內，集團收益為450萬元(對比截至2015年12月31日止有1450萬元，大倒退)，而除稅前虧損錄得9020萬元(對比截至2015年12月31日止六個月的除稅前收益為1830萬元，輸得更慘烈)。

　　買除牌公司CB

　　西證國際證券在2017年的第一件大事係向獨立第三方出售鑫仁鋁業本金額3000萬美元的可換股債券，現金代價3117萬美元(約2.43億港元)。估計出售後的確認虧損約134萬元。鑫仁鋁業已於2016年5月自新加坡證券交易所除牌。西證的投資眼光真係叻，連除牌公司的CB都買到，輸個百零萬，真係唔知應唔應該讚吓佢。所以，西證股價喺過去2年，一浪低過一浪，由1.7元跌到得剩3毫幾，就真係是好合理的表現。公司市值剩得9億，高峰期有成50幾億元。家陣有2億元茄薯回籠，睇吓識唔識用啦，如果又係買美元債券，咁就唔使睇啦，沽貨離場啦!港元跟美元掛鈎，狂人話唔「禮奇」美元強，債券又係定息產品，變成雙輸，輸利息和匯率。擺明是懶到出汁的基佬投資法，肯定無運行。口痕友話齋，「死癥，好難救，唔識點救?」純傳聞