網上流傳一段僅4秒的影片，片中一名男子被畫面外一名相信是清潔女工謾罵，指責他在大埔墟體育館隨地大便：「仲衰過隻狗！」但該男子態度囂張，反唇相稽：「食屎啦你！」無視自身惡行。有網民踼爆，指曾見該名男子同在富亨邨體育館大便，蓄意在洗手間中的地面便溺，罔顧衛生，令清潔姐姐「執手尾」欲哭無淚，苦不堪言，對這惡漢感到極之憤恨。

    樓主上載影片譴責：「有無屋企人領養返自己個家人？，根據現場街坊同埋職員告知，呢個人每日都會去大埔墟體育館，蓄意係廁所地下屙屎，今日仲特登屙完攞個垃圾桶砸住！人地叫佢唔好咁做，佢仲係咁鬧啲職員，麻煩識佢嘅通知聲佢屋企人！」

    網民紛紛留言狂轟：「想睇呢啲心理變態嘅人點被電視台追擊！」、「係叫佢屋企人領養返隻狗！」、「其實呢個哥仔不單只去大埔舊體育館，連富亨邨體育館都去埋，一樣攪到男廁汚嘈哂。」、「好贊成去報東張，可把他的惡行公布天下。」、「我見過佢！成日訓係入面個長凳位打機，係傻傻地。」、「真係衰過隻狗。」（ 記者 郭玉桔 區天海）