搳港大女籃事隔14年再次奪冠，胡楚南都好戥佢哋開心。

胡楚南（中）同范啟蓉（右）、彭曉欣等一齊重溫昔日籃球隊員合照。

　　【香港商報網訊】記者李嘉倩、謝巧玲報道：今年嘅大專盃女子組籃球比賽，香港大學以57：55險勝，打破香港中文大學六連霸夢，是港大女籃事隔14年再次奪冠。一直有贊助港大體育隊伍的胡良利(萬益)珠寶行董事長胡楚南都好戥佢哋開心，日前豪請港大女籃全隊隊員到上環食日本料理慶祝。胡楚南對小記講：「今日上午仲發緊燒，下午睇完醫生打完針，點知一來到就無晒事喇!」佢話見到班年輕籃球員精神晒甘話，成晚同后生打成一片，仲同餐廳職員分享：「佢哋好犀利，攞咗冠軍。」

　　翁Sir謙指「天時地利人和」

　　見教練翁Sir亦有到場，小記當然心思思想問下佢有咩奪冠秘訣啦，畢竟港大雖然亦曾多次入圍四強，但已多年未曾問鼎，佢擔起港大女籃教練大旗不過三年就有甘好成績。佢就謙虛指系「天時地利人和」喔，「個訓練模式系有改變嘅，有針對性咗，體能上面有進步，亦有參觀訓練營，睇下人哋嘅訓練方法，將學到嘅知識套用喺球隊度，隊員們明白到，亦執行得到。」

　　佢將奪冠功勞歸於全隊努力，話班隊員讀書好，打波又叻，自我管理能力強，好注重團隊甘話喔。佢亦透露，本屆會有9位隊員畢業，可以用冠軍成績為最后一年嘅大專盃比賽收尾，都算系完美落幕啦。

　　范啟蓉赞胡生系有心人

　　領隊范啟蓉當球員期間已認識胡生，佢大赞胡生系有心人，「胡生一直都好支持香港大學，亦好支持籃球隊，除咗固定每年贊助港大體育隊伍外，喺很多活動同聯歡入面都有贊助獎金獎品」，佢向記者提起世博期間，胡生親自擔任領隊，帶領70多人到上海交流，并促成上海集訓。

　　曾為中西區區議會前主席的胡楚南，一直熱愛文化、藝術同體育，更身體力行，經常大力支持。當日佢帶咗歷屆女籃隊員嘅合照同上海集訓照，讓大家一起重溫，「呢兩個相框我一直放喺公司，今次專登帶埋過來同大家分享。」胡生真系認真念舊。

　　為「最后一年」而戰嘅彭曉欣感謝教練同隊友三年來嘅相互扶持，記者對籃球「十竅只通咗九竅」，但佢都好有耐心，分享咗好多籃球知識同自己嘅感想，「呢三年我哋都無off season過，每個禮拜都有練習，比賽可以得到這個成績，我哋嘅努力好重要。」

　　這次聚餐既溫馨又熱鬧，胡楚南最后不忘說：「年輕人有活力，又健康，同佢哋一齊，自己都覺得自己后生啲。」