三名議員體驗共享房屋。網上圖片

     【橙訊】「共享房屋」計劃早前由社區組織協會牽頭正式推出，邀請業主合作以低廉租金租出劏房，為公屋輪候戶改善住屋問題。三名立法會議員田北辰、譚文豪同鄺俊宇，星期二(7日)應邀體驗「共享房屋」生活。

　　三人被邀請親身去旺角一個共享房屋單位，同單位居民試住一日。幾年前曾參與電視節目並入住環境惡劣劏房的田北辰，大讚「今次單位環境好好多，例如光線都充足好多」。　　

　　據田北辰介紹，三人在共享房屋內除了住，亦要解決食的問題，據悉，譚文豪同鄺俊宇負責煮飯，自己負責洗碗。瞓覺則由田北辰同鄺俊宇瞓同一張碌架床，由於鄺俊宇後生啲，所以對方瞓上格，自己瞓下格。

　　至於譚文豪亦喺facebook貼出自己嘅煮飯相，佢形容單位環境「ok」，但他同時批評香港政府，應該檢討房屋政策，為什麼要靠社福機構去填補呢一格(共享房屋的空缺)?