早前何伯何太在無線《東張西望》控訴何伯細女轉走450萬，引起全城熱話，但何太懶理外間閒言閒語，頻頻與何伯夫妻檔開直播與網民互動。日前，何太在直播中提到想離婚並改嫁去美國，「你們其中一個人說，讓我帶婆婆、兒子去嫁。如果未來的老公不嫌棄我帶老公、帶兒子，那我也是會的。以後我少請一個管家，讓我現在的老公當我們的管家。」

    這番話令何伯「即時跳掣」：「你估我唔識聽呀？」何太即向網民表示，「老公仔」何伯「好嬲」：「你沒錢我能帶你出國嘛！」何伯說：「會攞返返嚟㗎嘛！」何太「串爆」回應：「你攞返返嚟先算啦！」似乎對何伯仍未拿回450萬感到不滿。

    何太又揚言，如果何伯沒錢，她也沒有能力去照顧對方。此時，「癡心情長劍」的何伯，疑似在鏡頭外哭泣，並直言如果何太改嫁去美國，就是他結束生命的日子。何太即「安撫」何伯：「你唔好喊啦，你咁樣即係冇可能帶你嫁人啦！」「你冇能力就要認㗎啦！」

    何伯多次說個心「幾痛」，「我以為搵到個真心對我嘅老婆。」何太即安慰他，說類似改嫁事件很常見，「如果有辦法，邊使離婚、改嫁呀！我唔想你死咋！我咪即係救咗你囉，第時你咪留喺我哋身邊做管家囉，幫我哋掃吓花園，切吓生果！好似你而家咁樣囉！」

    甄妮：當美國是「廁所」咩

    何伯無奈地說：「老婆仔，我睇住個老婆同人上床喎，我幾難頂呀！」思想開放的何太則回應：「如果人哋娶我嗰個睇得開呢？人哋美國生活嘅人開通呢？」何伯再言：「人哋話『呢個好女人嚟㗎咩？』我冇晒面㗎啦！」說罷，何太抓抓腋窩，再言：「我唔好就唔會帶住你去嫁啦！」又叫何伯回子女家中住。

    直播出街後，引起網民激烈討論，直指何伯「男人最痛」，「頂住呀何伯，精神上佢仲係你老婆。」「呢個女人喺老公面前講改嫁，真係好侮辱。」「嫁去美國都帶埋阿伯，何太算係咁喇！」「何太已清楚表達何伯冇錢，便分手。」「從頭到尾錢錢錢……騙久了真相大白。」

    連「樂壇班長」甄妮都發文回應直播事件：「當美國是『廁所』咩，想去就去。」「咸（何）太佢唔止瘋癲，還每句都胡說八道，也有人應，太好笑了，我實在忍不住偶爾也要偷看一下。」（記者 李華）