香港遊樂場協會發文表示，堅定支持第八屆立法會換屆選舉，推出了便利員工的措施，亦會鼓勵年滿18歲或以上的會員與家長一齊參與投票。原文如下：

　香港遊樂場協會堅定支持將於2025年12月7日舉行嘅「第八屆立法會換屆選舉」。我哋深信呢次選舉對香港未來發展意義重大，係凝聚社會力量、共建更美好香港嘅關鍵一步。

　作為扎根香港社區超過九十年、一直致力推動青少年全人發展嘅社會服務機構，我哋積極履行推動公民參與同社區共融嘅使命。為咗鼓勵同工踴躍投票履行公民責任，我哋將推出以下便利措施，與社福界同工一齊為香港未來出一分力：

　措施包括：

　彈性工作安排

　選舉日（12月7日）當天，為有需要嘅員工提供彈性上班安排，確保大家有充足時間前往所屬票站投票。

　半天額外假期

　所有已投票嘅員工，可獲半天額外假期，以鼓勵大家積極參與，實踐公民責任。

　我哋相信，透過呢啲彈性安排，能夠營造正面積極嘅氛圍，讓同工感受到機構嘅支持，齊心為香港未來作出貢獻。

　除咗有便利員工嘅措施，我哋亦會透過各服務單位同社區網絡，鼓勵年滿18歲或以上嘅會員與家長，踴躍行使公民權利，一齊參與投票，為香港選出有擔當、有能力嘅立法會議員。

　等我哋齊心協力，12月7日齊投票，攜手共建更美好嘅香港！