今日（11日）凌晨零時許，深水埗大南街一單位有大批雜物從單位墮下，擊中一輛泊在樓下的私家車。警方接報到場調查，初步懷疑有一名兒童，從屋內將玩具和雜物拋落街上。

    警員登樓調查，相信是5樓一個劏房內一名年約4歲烏干達籍男童被獨留家中，期間將玩具等物拋落街，其29歲烏干達籍母親則帶同另一名約1歲兒子離開寓所。警員其後尋獲男童母親，將她及涉案男童帶署調查，其母涉嫌「對所看管兒童或少年人虐待或忽略」罪名被捕，現正被扣留調查，案件交由深水埗警區刑事調查隊跟進。

   網上流傳事發影片，被拋下的玩具擊中私家車玻璃窗，網民留言說：「避到牛肉乾，避唔到高空擲物。」、「架車好慘。」、「希望車主睇到呢條片，可以追責。」、「架車咁樣保險賠唔賠架。」、「警察用燈照射上去嘅時候，睇落似黑人小朋友。」、「唔知佢屋企人係唔係屋企，真係疏忽照顧兒童。」、「個黑人小朋友無屋企人睇住？好癲。」、「可能就係有人睇住先咁癲。」、「深水埗係咁，以前每晚都會有人掟嘢落街。」（記者 區天海）