首页 > > 6

長者港鐵疑打智障兒獲放行 母:年紀大就為所欲為

2018-01-11
来源:橙新闻

  【橙訊】香港人多擠迫,少少磨擦容易演變成爭執。一名媽媽帶同智障兒子乘港鐵期間,懷疑兒子踢倒一名伯伯,並已向伯伯道歉多次。惟長者疑似拍打小朋友後即乘港鐵離去,該名媽媽指控港鐵放行涉事伯伯,其後報警處理,最後媽媽決定不追究,警方改列爭執處理。

  該名39歲媽媽帶同智障兒子乘港鐵荃灣線往金鐘方向,期間兒子踢倒伯伯,並「講咗八次對唔住」,並向伯伯表示「我個仔係特殊小朋友,對唔住」,但報稱該名伯伯仍打她的兒子。

  該名39歲媽媽指控港鐵放生打人的伯伯。影片截圖

  她其後於月台向港鐵職員投訴長達3分多鐘,片段在網上引發熱議。片中一名港鐵職員指「我已經叫伯伯出嚟,佢唔出,我唔可以扣留個客」。

  該名媽媽反駁指「如果係犯咁點呀,打劫非禮,你放佢走呀?」,認為「年紀大唔係可以為所欲為」。她更聲淚俱下指,「我要攞返個公道,成架車啲人都話我『蝦』個老人家」,最終報警處理。

  網民均為媽媽抱不平,「真心覺得個媽咪好慘,湊住個特殊小朋友已經好辛苦,仲要睇住自己個小朋友俾人打無人幫到手,希望當時有目擊到個老人打小朋友過程嘅人可以提供下資料幫下個媽咪還佢一個公道...」。

  母貼長文:遭多人聲討爆粗 「公義俾地鐵車走曬」

  昨日一段智障兒母親控訴港鐵職員的影片在網上廣傳,該名母親在社交平台上親述事件經過,指兒子踢到身邊伯伯後,即使多次道歉仍遭到多名乘客聲討甚至講粗口,其後港鐵職員及警員都未能提供協助,直言公義未能彰顯「令我整個人亦憤怒得粉碎了」。

  該名母親今日凌晨在社交平台群組內發長文稱,她抱住兒子小儒經過該名伯伯身邊時聽到「啪一聲」,知阿伯打了小儒一下,得知事件經過後已經8次道歉,但身邊多人開始聲討她唔識教仔,有名男士更「講粗口問候娘親」。

  該名母親在Facebook親屬事件經過。圖:香港突發事故報料區/Facebook

  她表示,成件事一直沒有鬧阿伯,全因身邊乘客聲討才反擊,到轉車時再遇到阿伯時要求對方講對唔住,不料阿伯大聲講「我係老人家講咩對唔住」。

  「然之後有個唔知情嘅阿叔(稱)你話我阿伯,我重複講多一次事發經過畀佢知話我唔係蝦阿伯,佢話你噉樣就係蝦阿伯,夠膽就報警,我即時打電話報警地鐵未到工作人員嚟到,阿伯同嗰個阿叔走咗入去。」

  港鐵職員最後到場調解,警方到場調查時,她再訴說事發經過。她在貼文引述警員稱,若她要追討要先到警署,但小朋友會好論盡,「我話你呢番說話係公義?車廂入邊嘅人群係公義?地鐵職員係公義?公義已經俾架地鐵車走曬,我話乜都唔使做喇,我已經冇話可說。」

  該母親最後指,「公義已經俾架地鐵車走曬」,因無人出手幫過她兩母子,「全人聲討話我蝦阿伯,仲生安白做事情及人身攻擊,繼而地鐵職員及警員的所謂公義令我整個人亦憤怒得粉碎了」。

[责任编辑:蒋璐]
网友评论
相关新闻