劉鑾雄（大劉）早前被影到與前女友呂麗君（現名呂姵霖）驚現銅鑼灣皇室堡行街，引發外界對兩人可能會復合的揣測。大劉上月31日發聲明撇清關係，否認與呂麗君復合，指兩人僅為處理「商業協議」。為此大劉今日（3日）上午再開記者會澄清事件，指對於今次幫呂麗君，全因為考慮到和她的仔女。

大劉談及分身家的問題時說：「財產處理方面我會特別澄清，擔心很多人會誤會『陳凱韻與家人』。家人即是陳凱韻以外的，唔知就會以為個『家人』係指啲細路，我中文唔係太叻。我簡單想澄清，就係除咗陳凱韻嗰3個細路，即係陳凱韻有、3個細路有、仲有我嘅其他家人有，其他我嘅家人包括呂麗君嘅仔女，可能亦包括寶詠琴啲仔女，我就係想澄清呢樣嘢。」

大劉強調身家並非全屬於陳凱韻，非事外人以為啲身家畀陳凱韻全部奪取，絕對冇咁嘅事。他說：「講真，我最大個仔今年都42歲，就嚟43歲，到後來呂麗君同陳凱韻生，佢都係最大，佢除咗讀書叻，都好肯好肯做好多善事，呢個係最開心。」

大劉表示同律師討論過後，知道財產在信託內將來會有爭執或打官司：「我寧願全部派曬出去，As a gift。我曾經同律師講，我寧願送咗出去畀錯人，都唔想畀一啲天下間極壞極壞極壞嘅恐怖分子。」

大劉提到網絡打手的問題，指「燈神」蕭若元造謠，又談及換腎的話題，「有啲人好鍾意利用網絡去歌頌自己去踩人，我見唔少，有人話我點解同陳凱韻結婚，話佢阿媽畀咗個腎我，想去報恩就同陳凱韻結婚。我要換腎都搵個後生啲啦，60歲人仲要搵個老腎去換！」

此前，大劉在事發後曾第一時間闢謠，連列6點澄清，指與呂麗君已多年未見，今次呂麗君有事相求，兩人才在皇室堡的寫字樓簽署相關商業交易文件，並非坊間所傳「逛商場」。他重申，與呂麗君除了作為一對仔女的父母親外，並無任何關係。

大劉與舊愛呂麗君育有一子一女，二人早於2014年分手。兩人早年分手時鬧到滿城風雨，全城關注。而大劉與妻子陳凱韻（甘比）自2016結婚以來，一直表現恩愛，到今次與呂麗君同框是兩人分手後第一次合體。