港隊代表、「跳馬王子」石偉雄在男子跳馬資格賽失手未能躋身八強，無緣決賽。石偉雄今日（29日）在社交平台發文指，今次成績雖然未如理想，但做到自己需要做到的本分，覺得無悔無憾，亦很滿意這個過程。他強調，今次做到享受這個舞台，做到平常心完全無壓力去比賽，對得住自己，珍惜每一日並可以練習及比賽的機會。

石偉雄（石仔）從2012年初戰奧運，4年後受傷患影響錯失再戰奧運機會，經過9年努力在東京重返奧運舞台，巴黎是他的第三次，他感言：「由上屆東京奧運，要決定喺巴黎見大家，我做到啦，我好感恩可以第三次去奧運」。

石偉雄表示，很感恩可以第三次去奧運，感恩陪他一齊「癲」的教練，裁判，治療師、醫生，家人，每一位幫過他的人，亦很感恩背後默默支持他經歷高低起跌的香港市民。

隱瞞家人做腰部手術

石偉雄指，過去三年經歷「已經唔可以用崎嶇黎形容」，他細數，「要去世錦同奧運，一定要用世界盃拎積分黎（嚟）拎資格，所以由22年頭開始我兩隻腳一直有傷都好都唔可以休息，特別係由上年世錦拎唔到資格後，我即刻做左（咗）個腰手術，我同醫生講唔好話比屋企人知，我自己一個人出入醫院就得嫁（㗎）啦。」

他成功憑4站世界盃賽事佳績，獲得難度相當高的巴黎奧運跳馬項目參賽資格，個中經歷非筆墨能形容，他說由1月去荷蘭集訓，到4站世界盃，在第1站同第4站之前，他很低調地從荷蘭回香港，即日來回就是為打消炎止痛針，更憶述他當時跟醫生的對話。

冒斷腳風險四度打止痛針

石偉雄提到，打第一枝消炎止痛針的時候，醫生說：「會有斷既（嘅）風險」，我話：「明白，冇問題。」到打第二枝，醫生話：「你上次打完唔夠兩個月喎。」我話：「係丫，隻腳頂唔順啦，又痛過。」醫生話：「唔好打咁密，兩個月打兩枝唔得嫁（㗎）。」我話：「我唔怕丫，揀得去就冇得怕，都最後一站啦，我唔想係（喺）呢個時候跑唔到，我情願斷都唔要三五七十年後後悔自己點解當初唔行多步。」

他續說，在去奧運前3星期，這個時候又來，想都沒想同總教練講返香港打多枝。到第三枝針，醫生似乎放棄勸他，只說：「好，即刻幫你安排，之後佢冇再講野。」

臨去奧運之前，石偉雄再問醫生，如果要再打多支，可不可以到法國幫他打。醫生話：「我睇吓情況啦，如果行得開可以嚟睇你比賽幫你打多支支援你。」他說，在比賽前數天，醫生果然履行諾言，親自到法國再次為他打針，讓他可以無顧慮地安心比賽，石偉雄直言，「呢個比賽結果我覺得最無悔無憾啦，呢個過程我好滿意。」

醫生以外，他的兩位治療師也放下生意飛到巴黎看他比賽，「佢地諗都唔諗即刻話黎，佢地即刻唔做生意即日飛過黎（嚟）睇我比賽，多謝你地。」

他說要多謝同感激太多人，多謝每一位幫過他的人及支持他的市民，也多謝他們留意香港體操這項運動，留意香港的運動員。最後他還說，要感謝自己26年的堅持同努力，艱難了26年都沒有放棄。

石偉雄三戰奧運皆未能晉身決賽，但他先後在2014、2018兩屆亞運成功從中國、韓國和日本三大亞洲體操強國運動員手中，贏得跳馬項目金牌。

圖源：石偉雄fb