網民在輕鐵車站月台候車期間，發現有男乘客持逾10吋長利刀，在月台徘徊，其他候車乘客似沒察覺，樓主帖上長長留言，希望網友小心，數秒鐘短片，發文不足兩小時已逾6000人轉載。

   樓主描述驚心動魄的一刻：「太恐怖……真心好驚！只敢偷偷影2秒，驚比佢發現衝過黎，本身佢係企係我前面，見到佢揮住把勁大又長嘅刀，重點係有任何嘢包住……唔知係啲人見唔到定點，冇人有反應，前面又有bb車、小朋友、工人，佢一直周圍望住啲人，等人留意佢咁，佢見到我慢慢走開，本身諗住行前避佢去第二卡上車，然後我發現佢明明上後面果卡，然後突然落車行去我卡，我偷𣈴住佢把刀真係起雞皮，所以臨閂門嗰刻我決定落車，我唔知點解全部人可以冇反應，但係我嗰刻真係唔敢大動作提示其他人，驚俾佢見到刺激到，唔知佢下一步會有咩動作，見到人咁樣拎刀已經唔係第一次，曾經喺地鐵都見過。但係一樣完全冇人有反應，搭車除咗睇電話同人講嘢，小心留意一下周邊發生咩事……就當佢係懶唔包住把刀，唔小心俾佢揩到一下真係冇仇報。

   出呢個 Post，只係想提醒大家搭車時提高警覺，留意周圍環境，第一時間嘅本能反應係先確保自身安全，避免任何大動作或言語刺激到對方，而引發即時危險，冇人可以在未身處現場嘅情況下，完美預判自己當下嘅反應，希望大家出入都注意安全，多加留意身邊環境。」

   逾300網民留言，均感震驚：「香港人，唔好忘記荷里活廣場事件。見到太多坐車帶抗噪耳機又掛住睇電話嘅人，太無危機意識。」（記者 區天海）