網上近日流傳多段閉路電視片段，顯示一名年輕男子疑假扮外賣員，在食肆門口徘徊觀察後，趁店員不備取走一份已打包好的外送飯盒。涉事小店事後將影片匿名上載，並表示如有需要應申請綜援，勿打小店主意。

根據流傳的三段「天眼」片段，首段影片為2026年4月2日晚上約8時28分。一名年約20歲、身穿深色T恤及黑色長褲的男子，在食肆門外徘徊，其間不停將電話貼近耳邊假裝通話，眼神卻多次向店內張望，疑似在觀察店內情況。

第二段及第三段影片顯示，該男子其後步入店內，明確走近擺放在門口位置、已打包好供外賣員領取的區域。當一名身穿紅衣的真正外賣員取走兩袋食物離開時，該男子隨即一邊假裝聽電話，一邊自然地步入店內，用手指了指其中一袋飯盒後，隨即將飯盒帶走，整個過程動作自然，猶如一般取餐的外賣員。

事後，懷疑是涉事食肆的帳號將相關影片匿名上載至社交平台。帖文寫道：「尼（呢）位先生，係（喺）我哋店舖順手牽羊左（咗）一盒飯，我相信佢吾（唔）系（係）貪心，如果佢（係）貪心，佢應該去偷錢，偷金，偷貴重物品，但系（係）佢只不過順手牽羊左（咗）一盒只可以維持佢一日生命既（嘅）一盒飯，其實尼（呢）位先生大可以不必要甘（咁）做，你應該去申請綜援……」

店主補充：「同埋尼（呢）位先生，如果你有需要，隨時歡迎你過來順手牽羊，但其他人就請吾（唔）好來，我哋只不過係一間小店舖，無甘（咁）多羊可以俾人牽。」

帖文未有透露食肆具體地點，亦未提及是否已報警處理。