網上流傳一段短片，一名婆婆乘搭巴士往九龍城廣場，有乘客教她在衙圍前道下車，但實際應於賈炳達道落車。巴士司機重新開車門叫婆婆上車，並提醒她下個站才對，「呢個站行X死你呀」，引發網民熱議。

　　網民Andy Ng於「馬路的事」Facebook群組上載了一段影片，指一名婆婆欲前往九龍城廣場，但乘客教錯她，「阿婆去九龍城廣場，成班人教佢衙前圍道落，明明賈炳達道落先啱，搞到巴士司機要落去叫返佢上車」。

司機爆粗提醒婆婆下一站下車才對。 圖：影片截圖

　　司機見婆婆下錯車，開了巴士的前門，說「下個站先落呀，你點教佢架，上返車啦，下個站呀」。司機期間更爆粗提醒婆婆，「下個站先啱呀，呢個站行x死你呀，你上返嚟啦。」

　　婆婆上車後向司機道謝，司機再說「呢個站行x死你呀，你扶住啦」，又提婆婆可在上車後問他，「你踮下踮下呢度行過去行半粒鐘呀」。婆婆再次向司機道謝。

　　事件引起網民的討論，有網民認為是「善意的粗口」，起碼婆婆不用行半小時；但有網民就認為「本來係好事加咗個助語詞落去，再放埋上網可能變咗自己捉蟲」、「唔講粗口就更型」。